Кыайыы кынаттанан
Сэтинньи 7 күнүгэр «Тускул» норуот аймньытын дьиэтигэр «Кыайыы кынаттанан» диэн анал байыаннай дьайыыга сылдьар уонна сылдьыбыт биир дойдулаахтарбытыгар аһымал кэнсиэр буолла. Кэнсиэркэ «Дьолуо» үҥкүү ансаамбыла, «Сиккиэр», «Сардаҥа» ырыа ансаамбыллара, нэһилиэк солистара Александр Степанов — Ырыа Дохсун, Владислав Павлов, Прокопий Егоров, Санаайа Андреева, Юлдуз Васильева ыллаатылар. Кэнсиэри иилээн-саҕалаан Иннокентий Николаев ыытта. Тэрилтэлэр үлэһиттэрэ бородууктанан көмөлөспүттэрэ, балык, эт, арыы, кус уо.д.а иҥэмтэлээх тыа сирин аһылыга баар этэ.
Олохтоох библиотека салайааччыта Надежда Семёнова байыастар тустарынан информация хомуйан, презентация оҥорбута.
Кэнсиэр кыттыылаахтарыгар, көрөөччүлэргэ, тэрилтэлэр салайааччыларыгар, үлэһиттэригэр дириҥ махталбытын тириэрдэбит.
